பொங்கல் பரிசு
மாடி வீட்டு டாமி
உண்டு… உண்டு…
புது ஆடை உடுத்து,
படுக்கையில் உறங்கி விழித்து,
குரைத்துக் கொண்டே—
கோபமும் கூட!
தன் தெருவின் எல்லையில்
வெயிலிலும் மழையிலும்
சுற்றித் திரியும்
இராமுவுக்கு
இன்று—
யாரோ உணவிட்டார்கள்!
அந்த ஒரு நாள்
அவனுக்கான பொங்கல்…
தனக்கு எங்கே என்ற
கோபம் மட்டும்
டாமியின் கண்களில்!
— பொங்கல் பரிசு
விலங்கு (Chain)
கருவறையிலிருந்து
தொப்புள் கொடி விலக்கு – விடுதலை
இறுதி கால்விரல்
விலங்கு – விடுதலை
இந்த இடைவேளியில்
பல விலங்குகள் நம் மனதில்!
இது தான் மனித வாழ்க்கை!!
சித்தனின் சிந்தனையோ!
அடியவனின் பொலம்பலோ!
சித்தனிடம் ஓர் வினா!
மனத்தின் விலங்கு
சுய ஒழுக்கமும் தானே?
விலங்கு அகன்றால், மானுடம்
விலங்கு (உயிரினம்) ஆகிவிடுமா?
சித்தனின் பதில் ஒரு வினா!
ஒழுக்கமே விலங்கென்றால்
பிறப்பே ஒரு விலங்கு தானே?
சுய விலங்கே மானுடத்தின்
விளக்கம்,
அன்றேல் நீயும் விலங்கு தானே?
